Namco prepara un xogo de esquí para o Wii Balance Board

O Balance Board promete ser un periférico que dará moito xogo na Nintendo Wii, pois non só se empregará cos distintos xogos incluídos no Wii Fit, senón que fabricantes coma Namco xa anuncian que farán desenvolvementos para esta táboa que detecta os movementos do xogador.
O xogo co que se estreara Namco para o revolucionario periférico será de esquí, e se coñece informalmente coma Ski Fit (nome non definitivo) e estará baseado no Alpine Racer que se podía ver nos salóns recreativos, de xeito que podemos agardar un realismo e diversión descoñecida ata o momento en videoconsolas domésticas e podería ser só un primeiro paso a outros xogos deportivos que poderían achegar o snowboard ou o skateboard á Wii.