O Goberno quere asegurar a presenza das redes de alta capacidade nos novos fogares
xoves, 3 de decembro do 2009
O Goberno quere asegurar que as construcións que se fagan de aquà en adiante veñan máis e mellor adaptadas ás redes de telecomunicacións de gran capacidade. O obxectivo fundamental é evitar que os nosos fogares e as nosas rúas sigan a ser (polo menos neste eido en concreto) o escenario dun dos grandes males do progreso a toda costa: traballar sobre o traballo feito. Asà o vén de anunciar nunha nota o Ministerio de Industria, que prepara un plan normativo para fomentar o despregue das redes de acceso ultrarrápido na nova construción.
Entre os regulamentos inclúese un proxecto para favorecer o equipamento de redes de próxima xeración nos fogares por parte dos operadores de telecomunicacións.
Estas redes, que porÃan en xogo velocidades varias veces superiores ás que coñecemos (de 100 megabits por segundo cara arriba), irÃan dirixidas a atender a demanda de novas aplicacións e servizos: Televisión de Alta Definición, acceso á Internet ultrarrápido, videochamadas AD, TV3D, etc.
A aposta por este tipo de infraestrutura obrigarÃa nas redes fixas a substituÃr os pares de cobre por fibra óptica, mentres que os operadores de cable terÃan que actualizar os seus equipamentos coaxiais a través de ferramentas que posibiliten as ditas capacidades.
O fomento destas medidas inclúese no Regulamento sobre Infraestruturas Comúns de Telecomunicacións que vén de adiantar o Ministerio de Industria.
Por certo que en España xa se contabilizaron máis de 4,3 millóns de vivendas dispoñendo de equipamentos comúns de telecomunicación (ICT) que fan máis doado que se tire o máximo proveito das redes do coñecemento.