O Wordle xa ten versión coruñesa
martes, 1 de febreiro do 2022
O desenvolvedor Fernando Souto, tras coñecer o fenómeno de Wordle decidiu
retarse a si mesmo a crear un clon do xogo usando Flutter en menos de 4
horas, o que frutificou en El reto de Xerión, un xogo móbil dispoñible
para Android e para iOS que
ten unha mecánica como a do popular Wordle pero céntrase en palabras relacionadas
coa cidade da Coruña.
O xogo mantén a esencia a creación de Josh Wardle: pode xogarse de balde e
cunha palabra diferente que adiviñar cada dÃa. Pero Xerión ten unha importante
diferenza fronte ao xogo orixinal: conta cun botón para obter unha pista para
poder dar coa palabra do dÃa, detalle moi de agradecer xa que as palabras a adiviñar
poden estar en koruño. A aplicación tamén está integrada co Game
Center e Google Play Games, de xeito que é doado competir con outros usuarios
para ver quen sabe máis da cidade herculina.
O código fonte desta
aplicación está dispoñible en GitHub, polo que os interesados en crear
variantes do xogo con outras temáticas ou dedicadas ás súas propias vilas téñeno
doado.