O xogo en liña de Xbox será de balde esta fin de semana

Durante a vindeira fin de semana a plataforma Xbox LIVE celebra un evento Free Days For All ou sexa, que calquera posuidor de Xbox One ou Xbox 360 poderá xogar en liña sen a necesidade de ser subscritor Gold, o que é unha grande oportunidade para probar os modos multi-xogador dos xogos que teñamos, para saber así se nos compensa pagar para xogar en liña.
Para enriquecer o evento, durante o mesmo será posible gozar de balde dos xogos Rainbow Six Siege e NBA 2K18, ideais para probar a experiencia de xogo en liña en dous sabores moi diferentes: un xogo de acción en primeira persoa e un simulador deportivo.
Este evento xa está activo, e durará toda a fin de semana.