Sam Altman volve á dirección de OpenAI
mércores, 22 de novembro do 2023
- Greg Brockman anunciando o seu regreso a OpenAI
Os
últimos días OpenAI estivo baixo os focos por mor do despedimento por sorpresa
do seu director xeral, Sam Altman, ao que seguiu a rebelión preto da totalidade
dos traballadores da empresa, que ameazaban
con marchar xunto a el se non recuperaba o seu cargo, colocando á compañía
nunha situación indefendible, o que levou a que finalmente anunciasen que chegaron a un principio
de acordo para que Altman recupere o seu cargo en OpenAI, producíndose
tamén cambios no consello de dirección.
Sam Altman recoñeceu que aínda que aceptaran unha proposta para unirse a
Microsoft nos últimos días, tras mudar o consello de dirección de OpenAI e
manter o soporte de Satya Nadella, decidiu volver á
dirección de OpenAI para así manter a súa forte alianza con Microsoft.
A man dereita de Sam Altman, Greg Brockman, quen decidiran acompañalo na súa
saída da empresa, tamén aceptou volver, o
que foi recibido
con celebración por parte dos seus compañeiros.
Como xeito de tranquilizar ao público, poucas horas antes do anuncio do regreso
de Altman e Brockman, decidiron lanzar para todos
os usuarios de balde a versión con voz de ChatGPT, e como exemplo puxeron
unha pregunta sobre cantas pizzas habería que pedir para alimentar a 778
persoas, o que claramente é unha alusión aos traballadores de OpenAI, que levan
uns días frenéticos, nos que non deixaron de traballar mentres reinvindicaban a
volta á normalidade tras un episodio que demostrou unha grande neglixencia por
parte do anterior consello de dirección da compañía (moi especialmente do
director científico Ilya Sutskever, que era o único do consello de dirección
que traballaba en OpenAI), que non soubo entender as repercusións das súas
decisións.
Non só a oposición de máis do 95% dos traballadores indica o pouco xuízo do que
se fixo gala, senón que o feito de que nuns 5 días a compañía tivo 3 directores
xerais distintos, algo do que non parece que haxa moitos precedentes, e que
sería tamén un exemplo da velocidade á que teñen que actuar as empresas no contexto
actual (nesta situación as presas estaban marcadas pola celebración do Día de
Acción de Grazas, xa que clarexar a situación antes da festividade podería
prolongar moito a crise, afectando gravemente á percepción que se ten de
OpenAI).
Pese a que pareza que a situación volveu á normalidade, continúa ser darse unha
explicación clara sobre as causas do despedimento de Sam Altman de OpenAI (algo
moi criticado polos traballadores da compañía), e tampouco podemos adiantar os
cambios que experimentará OpenAI nos vindeiros meses, pero parece bastante problema
que establezan mecanismos para evitar que unha situación semellante poida
repetirse no futuro.
No fondo de todo esta crise está a preocupación sobre o control que debe
establecerse nos avances da intelixencia artificial, cuestión máis ética que
tecnolóxica, e que tamén teñen que abordar os reguladores, non estando nada clara
cal será a postura que adoptará finalmente o sector, que na actualidade está
comprometido nunha seda de rápida evolución, potenciada pola elevada
competencia. Parece así claro que mentres non haxa un consenso global será complicado
pór cancelas a esta revolución que estamos a vivir.