SkyShowtime intégrase na oferta audiovisual de MasOrange

Hai un ano Movistar Plus+ anunciaba a incorporación de SkyShowtime á súa oferta de televisión, e agora é MasOrange a compañía que fai o mesmo, anunciando que os seus clientes poderán gozar tanto dos contidos de SkyShowtime baixo demanda como da canle lineal de SkyShowtime, conseguindo así que esta plataforma entre nun maior número de fogares.
Entre os contidos reclamo de SkyShowtime destacan producións como Receta para un asesinato, Dexter: Original Sin (Dexter: pecado original), Landman (Landman: Un negocio crudo), Lioness, Mamen Mayo, Matices, The Agency (La Agencia), The Day of the Jackal (Chacal), El Especialista, The Madison e Tulsa King, así como a serie de televisión Yellowstone, convertida en todo un referente do xénero western.
Con esta alianza SkyShowtime incorpórase ao servizo Orange TV Libre, que por 7,99 euros/mes inclúe máis de 90 canles de televisión e varios partidos de fútbol por xornada (concretamente 1 partido de LaLiga EA Sports, 1 partido da UEFA Champions League, 3 partidos de LaLiga Hipermotion e 1 partido da Copa do Rei por eliminatoria).