Tetris chega aos 125 millóns de copias en 24 anos de vida
martes, 2 de xuño do 2009
Coa cantidades de
plataformas de xogo que hai na actualidade é difÃcil estimar o número de copias
que venden algúns tÃtulos que teñen longa vida e pasan por distintas xeracións
de consolas de videoxogos, terminais móbiles e ordenadores, pero posiblemente
sexa certo que o xogo máis vendido da
historia é Tetris, que este mes cumpre 24 anos e estiman que acadou
unhas vendas de 125 millóns de unidades (aÃnda que hai
cousa de 2 anos a xente de THQ falaba de 70 millóns de copias).
O xogo conseguiu un grande éxito nas máquinas creativas ata converterse nun
clásico de referencia que chegou ao seu apoxeo grazas á primeira Game Boy, na que
vendeu 33 millóns de unidades, e incluso foi o tÃtulo que levou a moitos
facerse coa consola de Nintendo, por considerarse un xogo imprescindible.
O desenvolvemento de Tetris iniciárao Alexey Pajitnov cando traballaba para a
Academia de Ciencias de Moscú, de xeito que ata 1996 non cobrou royalties pola súa creación, facéndose finalmente
millonario.
Na actualidade o xogo segue a contar con versións para novas plataformas e
incluso revisións melloradas, estando dispoñible tanto para terminais coma o iPhone
ou consolas como a Xbox 360 (para a que saÃu hai un par de anos Tetris Revolution).