The Vloggies: os vlogs tamén teñen os seus premios

O sábado 4 de novembro celebrarase a gala de entrega dos Vloggies, os premios para os videoblogs, que se celebrará no Swedish American Hall de San Francisco.
A anfitrións da entrega de premios serán Irina Slutsky (de Geek Entertainment TV) e Daniel McVicar (de Bold and the Beautiful), que teñen certa sona na vlogosfera (o propio McVicar xa ten o seu propio vlog, The McVlog) e que entregarán os galardóns nas moitas categorías existentes nos Vloggies, que van dende o vlog máis divertido ata o mellor vlog espiritual.
Estes premios servirán así para crear unha certa consciencia da cantidade de vlogs que existen na actualidade e que teñen unha grande calidade, pero non acadan a sona que merecen, en boa medida por estar realizados de xeito afeccionado ou dende pequenas empresas que non poden contar con promoción internacional.
A vindeira semana coñeceremos así os gañadores nas seguintes categorías:
· Mellor vlog
· Mellor vlogueiro masculino
· Mellor vlogueira feminina
· Mellor vlog cooperativo
· Mellor vlog corporativo
· Mellor vlog cómico
· Mellor comunidade de vlogs
· Mellor vlog educativo
· Mellor vlog de ficción
· Mellor vlog de lecer (non ficción)
· Mellor vlog experimental
· Mellor vlog espritual ou relixioso
· Mellor vlog infantil e xuvenil
· Mellor vlog de cociña
· Mellor vlog verde
· Mellor vlog de novas
· Mellor vlog coma diario persoal
· Mellor vlog político
· Mellor vlog tecnolóxico
· Mellor vlog de viaxes
· Mellor vídeo vírico
· Vídeo máis gracioso
· Mellor documental
· Mellor edición de vídeo experimental
· Mellor entrevista
· Mellor música orixinal
· Mellores efectos especiais
· Vídeo máis controvertido
· Mellores libros sobre vlogs
· Mellor provedor de hospedaxe de vídeo
· Mellor ferramenta de produción de vídeo na Rede
· Mellor directorio de vlogs
· Mellor deseño web dun vlog