Unha cámara Wi-Fi sorprende con opción de recoñecemento facial

As cámaras de vixilancia con conectividade Wi-Fi contan cada vez con máis funcionalidades, e última da que soubemos é a Simplicam de ArcSoft, que non só é doada de instalar, pode transmitir vídeo en directo a 720p, detecta ruído e movementos, conta con visión nocturna, pode controlarse dende o ordenador ou dispositivos móbiles (con Android ou iOS) e ten audio bidireccional, senón que tamén conta cunha opción sumamente interesante: recoñecemento facial para saber quen está no noso fogar en cada momento.
Esta cámara sairá á venda o mes que vén a un prezo de 150 dólares, e aínda que a cámara Wi-Fi permite a monitorización remota e o disparo de alertas de balde, é posible contratar un servizo de gravación da compañía Closeli para unha maior seguridade, que vai dende 49 dólares/ano para rexistrar o último día de actividade ata 229 dólares/ano por 21 días de gravacións. Estes servizos de gravación son os que habilitan o recoñecemento facial, para poder saber, por exemplo, cando chega cada membro da familia ao fogar ou se hai alguén inesperado na casa cando os nosos fillos estean sos.