Vitae achega en febreiro un curso avanzado sobre habilidades comerciais

Este mes de febreiro imos ter unha nova oportunidade para optimizar o noso labor profesional comercial grazas ás novas ferramentas avanzadas, da man de Vitae Consultores. Estamos a falar do curso Habilidades Comerciais para Comerciais e Non Comerciais, de 18 horas de duración, que se desenvolve os días 10, 12, 18, 19, 24 e 26 de febreiro de 2026.
Contextualizando esta actividade formativa, a consultora galega explica que na contorna actual, profundamente dixitalizada e marcada por tecnoloxías que transforman os modelos tradicionais de negocio, o rol comercial evolucionou de forma radical: “Hoxe, o cliente ten acceso directo ás mesmas ferramentas que as empresas, e mesmo pode configurar a súa propia oferta desde a web do fabricante”.
Esta nova realidade esixe unha transformación profunda na maneira de vender e comunicar valor, e é aí, neste punto de transformación (ilustrándoo e familiarizándonos con el) onde entra en xogo o curso sobre habilidades comerciais de Vitae Consultores, que explica que “o curso está deseñado para desenvolver as habilidades relacionais clave que permiten comercializar produtos e servizos de forma efectiva nun mercado altamente competitivo”.
A través dun enfoque práctico e estratéxico, as persoas participantes aprenderán a conectar cos seus clientes, xerar confianza, e construír propostas de alto valor.
O curso está dirixido a profesionais que buscan potenciar o seu perfil comercial, esta formación permitirá incorporar unha linguaxe de vendas coherente, mellorar a súa capacidade de influencia e fortalecer o seu posicionamento profesional en contornas de negocio esixentes e cambiante.
Obxectivos
-Comprender como evolucionou a contorna comercial na era dixital e como adaptarse ás súas novas dinámicas.
-Desenvolver habilidades relacionais clave para conectar con clientes de forma estratéxica e empática.
-Aplicar técnicas de comunicación persuasiva e escoita activa en contextos comerciais complexos.
-Deseñar propostas de valor aliñadas coas necesidades do cliente e os obxectivos do negocio.
-Fortalecer o seu posicionamento profesional como executivo con capacidade de influencia comercial.
Ao final deste seminario, os participantes saberán comunicar de xeito estratéxico (dominando técnicas de comunicación persuasiva, escoita activa e argumentación eficaz en contextos comerciais) e contarán con ferramentas de intelixencia relacional (fortalecendo habilidades interpersoais para xerar confianza, empatía e vínculos duradeiros con clientes e colaboradores. Tamén disporán de recursos de orientación ao cliente (identificando necesidades reais, adaptando o discurso comercial e construíndo propostas de valor centradas no cliente) e de influencia e negociación (aplicando ferramentas para persuadir, negociar e pechar acordos en contornas de alta competitividade). Tamén saberán como manexar e tirar proveito do pensamento comercial, a autoconfianza e o posicionamento profesional.
A persoa encargada de impartir o curso será Javier Rovira, licenciado en Dereito e Administración de Empresas polo ICADE, mestrado en Dirección Xeral polo IESE e Doutorado en Economía de Empresa (DEA pola Universidade Rei Xoán Carlos). Foi profesor da ESIC Business & Marketing School e é socio director de Know How NP, consultora especializada en estratexia de innovación e desenvolvemento organizativo, tendo unha dilatada experiencia en diferentes sectores. Foi director xeral de González Byass, director xeral de Neck & Neck, conselleiro delegado de Sabelma, director de Laboratorios Babé e director de Marketing e Desenvolvemento Estratéxico de Bebidas Pepsico. Coo consultor e formador traballou con empresas como Microsoft, Terra, Monsanto, Prisa, Axencia Tributaria, Telefónica, RENFE, Dell España, Lucent, El Corte Inglés ou Porche-Saab España, entre outras moitas. Ten no seu haber unhas 10.000 horas de consultoría e unha bagaxe formativa de máis de 5.000 profesionais e directivos.