Mañá celébrase na Toxa a Noita Galega das Telecomunicacións
xoves, 29 de setembro do 2016
Mañá venres, a partir das 20:00 horas, no Gran Hotel da Toxa, celebrarase a XXI edición da Noite Galega das Telecomunicacións e a Sociedade da Información, que estará presidida por Mar Pereira, directora da Axencia para a Modernización Tecnolóxica de Galicia (AMTEGA). A actriz Carmen Méndez será a presentadora do evento, no que tamén intervirá o monologuista Carlos Blanco.
A velada comezará cun
cóctel de benvida e unha sesión de networking,
á que seguirá a gala, que comezará ás 21:30 horas, na que se entregarán os Premios
Galicia das Telecomunicacións e da Sociedade da Información 2016, que recaeron
nas seguintes persoas, empresas e institucións:
- O premio Enxeñeiro Gerardo GarcÃa
Campos á mellor iniciativa empresarial no sector TIC foi para Monet
Viticultura, pola introdución das TIC en sectores onde aportan valor a procesos
tradicionais, e pola súa aplicación a mercados amplos. O xurado tivo tamén en
conta a orientación de esta empresa á exportación e a súa actividade en I+D+i e
a creación de emprego tecnolóxico.
- O premio GRADIANT á mellor tese
doutoral aplicada ao sector TIC recaeu en Beatriz Remeseiro López, por Avances
na diagnose do sÃndrome de ollo seco: desenvolvemento de métodos automáticos
para a avaliación de patróns na capa lÃpida da pelÃcula lacrimal. O xurado
salienta que a tese aporta solucións para un problema de saúde pública, o
sÃndrome do ollo seco, que afecta a unha grande parte da poboación maior de 65
anos. Este traballo ten xa demostrado a súa aplicación, tanto no eido académico
como na industria do sector da saúde, e ten un claro potencial de transferencia
da tecnoloxÃa desenvolvida.
- O premio INEO ao produto ou servizo
máis innovador foille concedido a Egatel S.L. polo proxecto SmartLNB. Neste
caso, premiase o carácter innovador do uso eficiente das capacidades de
transmisión de datos vÃa satélite. Tamén se valorou o amplo espectro das súas
posibles aplicacións e a súa contribución á transformación dixital de diversos
ámbitos como a saúde, o fogar dixital e o sector industrial.
- O premio ao Mellor Proxecto TIC con
Beneficios Sociais, outorgado en colaboración coa AMTEGA, recaeu en EOSA, pola
creación de INclue, sistema tecnolóxico innovador para a valoración técnica da
exclusión social en base a criterios homoxéneos. O xurado tivo en conta que a ferramenta
presentada permite unha estimación precisa do grao de exclusión social dunha
persoa.
- O premio Acuntia á empresa galega que
aposta polo desenvolvemento de infraestruturas intelixentes de
telecomunicacións, concedéuselle ao Real Club Celta de Vigo, por liderar o
desenvolvemento de sistemas tecnolóxicos que complementan ós partidos de fútbol
e que favorecen a implicación dos afeccionados.
- O premio ao Mellor expediente
académico do Mestrado en EnxeñerÃa de Telecomunicación da Universidade de Vigo
foi para Daniel RodrÃguez DomÃnguez.
- Por último, o premio Enxeñeiro do Ano outorgado
polo Colexio Oficial e a Asociación de Enxeñeiros de Telecomunicación de
Galicia recaeu en César Mariñas Dávila, pola súa traxectoria en postos de
responsabilidade en diferentes empresas do sector TIC e no exercicio libre da
profesión. Tamén se recoñece a súa profesionalidade e independencia, e a súa
contribución ao desenvolvemento das telecomunicacións en Galicia.
A velada rematará coas intervencións de Julio MartÃn, director do estaleiro de Navantia en Ferrol, e da directora da AMTEGA, Mar Pereira.