Os locais de hostalaría que desexen proxectar encontros futbolísticos de xeito legal teñen que contratar o servizo Bar TV, que xa non é exclusivo do descodificador que subministra sen cargo adicional a plataforma, senón que agora tamén será posible gozar dos contidos directamente dende televisores conectados de Samsung a través dunha aplicación de seu.
A nova aplicación facilita ver os contidos en directo e baixo demanda de LaLiga Santander, LaLiga SmartBank, UEFA Champions League ou UEFA Europa League, incluíndo tamén DAZN Bar (que tamén achega competicións de motor, Premier League, UEFA Women’s Champions League e Turkish Airlines EuroLeague).
Deste xeito os televisores de Samsung reforzan a súa posición como dispositivos nos que gozar de contidos audiovisuais como os de Movistar+, Orange TV, DAZN, +TDP ou LaLigaSportsTV, que xunto coas habituais plataformas de streaming conforman unha grande oferta de vídeo que pode consumirse sen receptores externos, valéndose unicamente do acceso á Internet, ofrecendo unha experiencia de uso máis cómoda e práctica.
Os televisores de Samsung estrean aplicación para recibir os contidos de Bar TV
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
