Truecaller loita contra as chamadas de spam a través de WhatsApp

Un dos servizos máis coñecidos para a loita contra as chamadas telefónicas comerciais non desexadas, Truecaller, está a probar unha nova funcionalidade que chegará a todo o mundo ao longo do mes, e que levaría a identificación de chamadas a WhatsApp e a outras aplicacións de mensaxería instantánea, o que pode evitar moitas das chamadas molestas que habitualmente recibimos por teléfono e que pouco a pouco van trasladándose a chamadas a través da Internet.
Dende Reuters aseguran que Truecaller está en conversas con operadores de telecomunicacións para poder aplicar os seus filtros para bloquear as chamadas non desexadas directamente a nivel de operador, o que podería sopor un grande freo ao spam telefónico, de aí que sexa cada vez máis necesario reforzar a seguridade doutras canles de comunicación como WhatsApp. De feito, mencionan que na India (país cun nivel de penetración de WhatsApp semellante ao de España) nas últimas semanas disparáronse as denuncias de usuarios sobre chamadas de spam a través de WhatsApp.