Series Yonkis busca recuperar a súa audiencia apostando polas redes P2P

Dun tempo a esta parte, os usuarios de webs de descarga como Series Yonkis, Peliculas Yonkis ou Vagos, andaban perdidos pola redes, logo do desmantelamento de Megaupload (principal fonte de abastecemento de material) e das súas irmás en liña (Fileserve, Uploaded, etc), estas últimas pechando dun xeito máis voluntario, polo que puidera pasar. Series Yonkis está a tratar de volver á vida, aínda que botando man de algo máis clásico: eMule ou BitTorrent, ligazóns P2P para o intercambio de ficheiros (mantendo portas abertas nos computadores) en cuxas portas, polo de agora, aínda non petaron os cotelos das autoridades que andan á procura de infraccións sobre contidos protexidos.
A intención de Series Yonkis, un dos servizos que máis está no punto de mira da gran industria do audiovisual (todas esas compañías e canles de TV produtoras de series ás que non lles fai ningunha graza que se poida acceder ás súas achegas de balde) é recuperar parte da audencia perdida.