A Axencia Tributaria e Enxendra Technologies asinaron hoxe o convenio mediante o que Enxendra convértese na primeira empresa de Galicia que é colaboradora social da Axencia Tributaria para o subministro electrónico de rexistros de facturación en representación de terceiros. A compañía nacida na Coruña xa traballa para grandes marcas como Desigual, Wolters, Jazztel ou Grupo Planeta.
Ser colaborador social autoriza para a presentación por vía telemática de documentación tributaria en representación de terceiros, sendo este un trámite necesario para poder dar o servizo de Subministro Inmediato de Información (SII), novo sistema electrónico para a declaración telemática dos libros de rexistro de IVE. Céntrase principalmente na obriga de declarar electronicamente o detalle das facturas emitidas e recibidas enviando esta información á Axencia Tributaria (AEAT).
A solución técnica de Enxendra para o Subministro Inmediato de Información (SII) intégrase de xeito doado con calquera ERP ou programa de xestión, permitindo ás empresas cumprir cos requisitos do SII cos mínimos problemas posibles.
Enxendra Technologies certificada como colaboradora social da Axencia Tributaria para o servizo de SII
Compartir Este Artigo
-PUBLICIDADE-
- A Xunta facilita o acceso ao Certificado de Competencias Dixitais ao alumnado que se titula na ESO antes dos 16 anos
- A Xunta destinará 10M€ ata 2030 para fortalecer e modernizar a rede de comunicacións en situacións de emerxencia
- A Xunta elabora un catálogo de utilidades para administracións públicas que empregan tecnoloxías de conectividade
- A Xunta aproba a Estratexia Galega de Software Libre para impulsar a innovación, a competitividade empresarial e a mellora dos servizos públicos
