A AMTEGA e o CPEIG colaborarán na formación de docentes, xornalistas e traballadores públicos
xoves, 10 de abril do 2014
Esta mañá a directora da AMTEGA, Mar Pereira, e o presidente
do CPEIG, Fernando Suárez, asinaron
un convenio que prevé a organización de cursos e xornadas formativas para
profesores e empregados públicos da área de informática, asà como un Foro sobre
Calidade e unhas xornadas sobre as TIC no xornalismo, actividades para ás que o
organismo público contribuirá con 65.000 euros.
O primeiro Foro sobre Calidade ofrecerá un marco de reunión,
debate e divulgación a investigadores, empresas, universidades e profesionais
sobre as normas de xestión de calidade no ámbito das TIC.
O obxectivo da iniciativa é proporcionarlle aos asistentes
información práctica a través da compartición de experiencias de implantación e
casos de éxito das empresas. O foro estruturarase en mesas por áreas temáticas
que analizarán aspectos como a ISO 9126, ISO 25000, débeda técnica, métrica,
integración continua ou auditorÃas, entre outros.
Por outra banda, o CPEIG quere ofrecer ao colectivo de
xornalistas formación en comunicación 2.0 e novas tecnoloxÃas. Este é o
obxectivo das xornadas sobre as TIC e o xornalismo actual nas que se ofrecerá
formación práctica sobre a utilización dos recursos dispoñibles en Internet
para a creación de contidos, programación, deseño gráfico e redes sociais.
Para que os docentes adquiran as competencias dixitais
precisas para a integración das TIC nas aulas o CPEIG celebrará distintas
xornadas formativos ao longo deste ano, baseadas preferentemente en software
libre, que é o que está a empregar o Proxecto Abalar da Xunta. As actividades formativas
celebraranse preferentemente nas aulas da Rede CeMIT.
Os profesionais da área de informática da Administración
autonómica son outro dos colectivos aos que se dirixen as actuacións do
convenio asinado hoxe. O Colexio impartirá oito cursos, eminentemente
prácticos, combinando información presencial e online sobre metodoloxÃas e
técnicas para sumarlle valor ao seu traballo diario.