A BBC achega os seus podcasts ó iPhone

A chegada o iPhone ó Reino Unido levou á BBC a adaptar a web na que se levan os seus podcasts á súa audiencia para que os usuarios tanto do iPhone coma do iPod Touch poidan acceder ás gravacións sonoras que publican a través da Internet.
Nun principio os usuarios poden sincronizar os podcasts a través de iTunes, pero cando non teñen un ordenador iso non é posible dado que a versión sen fíos da tenda de Apple non permite a subscrición e descarga deste tipo de publicacións audiovisuais, de aí que a BBC traballe para superar tal atranco, aproveitando así os novos soportes para facer máis atractivo o acceso ós seus contidos.
Mediante esta nova plataforma os contidos da BBC non se poden descargar (por limitacións do iPhone) pero se poden reproducir mediante streaming, polo que os ficheiros diferidos funcionarían coma se pertencesen a unha emisora en directo á carta.
Para acceder ó novo servizo hai que visitar dende Safari o enderezo bbc.co.uk/podcasts e, de querer botarlle unha ollada dende o ordenador tamén existe un enderezo alternativo para poder ver cómo se adaptou a web dos Podcasts da BBC para a súa elegante e cómoda navegación no dispositivo portátil de Apple.