A BBC distribuirá os seus programas en alta definición a través de redes P2P

A serie Cabaleiros con Aquel volveu a emitirse recentemente pola TVG

Aínda non se coñecen os detalles, pero o caso é que a canle británica BBC chegou a un acordo con Azureus para a distribución a través da tecnoloxía P2P coñecida coma BitTorrent dos programas da canle televisiva, de xeito que non precisan dunha grande infraestrutura para unha boa difusión dos programas en alta definición.

Dr. Who é un dos clásicos da BBC máis salientables

A aplicación informática que se empregará para as descargas coñécese coma Zudeo, e actualmente xa distribúe múltiples contidos de balde, coma videoclips ou trailers de videoxogos, no que supón unha importante ferramenta para a descarga de contidos a unha velocidade abraiante.
A BBC difundirá clásicos coma o Dr. Who ou Cabaleiros con Aquel (que a Galicia chegaron no seu día a través da TVG) e incorporarán tecnoloxía DRM para impedir a súa distribución a través doutros sistemas P2P.
Non se coñece cómo será a comercialización destes programas, pero esta iniciativa podería servir para satisfacer a demanda de contidos en alta definición mentres non se normaliza o seu uso en soportes físicos (Blu-ray e HD DVD).