A CNN permite incrustar os seus vídeos noutras páxinas web

Os visitantes da web da CNN poderán empregar copiar os seus vídeos noutras páxinas web e blog, xa que a canle de novas norteamericana estrou un reprodutor de vídeo que presenta clips a 384 x 216 píxeles (formato panorámico) para a súa incrustación en webs, que tampouco se esquece das redes sociais (incluíndo atallos para a súa difusión a través de Mixx, Digg, Facebook, del.icio.us, Reddit, StumbleUpon e MySpace ou por correo electrónico).
Esta novidade na web da CNN podería indicar que a compañía norteamericana busca a viralidade dos seus contidos, para levalos o máis lonxe posible, en vez de restrinxilo ás súas páxinas web. Os clips non parecen presentar restricións xeográficas, polo que a popularidade dos vídeos da CNN podería incrementarse en todo o mundo ao facerse doado o seu acceso e replicación.

Exemplo de incrustación dun vídeo da web da CNN