A Nintendo DS terá o seu Gauntlet en xuño

Gauntlet, o xogo arcade de Atari que chegou ao mercado en 1985 e que contou con conversións a case todas as plataformas de xogo dende aquela (dende a NES ata para móbiles) chegará agora á Nintendo DS grazas a Eidos.
Esta última adaptación precisa do uso da consola a modo libro (ou sexa, coas dúas pantallas en vertical) e tirará proveito dos modos multixogador (Deathmatch, Team Deathmatch e Treasure Horde). Permitirá elixir entre os 4 personaxes clásicos do xogo e contará con 40 mapas e 32 tipos de inimigos diferentes.
Venderase a partir de xuño a 29,99 dólares.