A Wii triplica en vendas ás PS3 no Xapón

martes, 8 de xaneiro do 2008 Marcus Fernández

A PlayStation 3 de Sony comeza a levantar cabeza, e este Nadal incrementou considerablemente as súas vendas, aínda que continúa lonxe de pórse á altura da Nintendo Wii, pois nas últimas 5 semanas de 2007 a Wii vendeu no Xapón 774.123 unidades, mentres que a PS3 se tivo que conformar con 232.421, polo que a consola doméstica de Nintendo superaría á de Sony en máis de 3 a 1.
A baixada de prezo da PS3 no Xapón deu un importante pulo ás súas vendas, pero o lanzamento de Wii Fit fixo o mesmo coa consola de Nintendo, de aí que a Wii continúe a ser a consola doméstica de nova xeración con máis forza comercial, mentres que a Xbox 360 de Microsoft pasa case desapercibida no país nipón con só 38.994 unidades vendidas no Xapón durante o mes de decembro.

PUBLICIDADE