A Xunta adquirirá 22.000 portátiles para avanzar na educación dixital
xoves, 18 de maio do 2017
O presidente da Xunta, Alberto Núñez Feijoo, anunciou hoxe a
aposta do Goberno galego por estender
a educación 100% dixital a até 10.000 alumnos o vindeiro curso 2017-18, o
que en palabras do presidente «supón que se incorporen ao ensino plenamente
dixital 2800 alumnos máis que os 7.200 que o reciben hoxe nos 107 centros que
xa empregan o libro dixital».
Para acadar este obxectivo a Xunta adquirirá ata 22.000
portátiles durante os dous vindeiros anos, para os alumnos e profesores dos
centros que se integren nesta iniciativa. Con esta finalidade se investirán
máis de 11 millóns de euros, dun total de 27 millóns para a dixitalización da
educación.
O acordo recolle un servizo de soporte premium as
24 horas durante os sete dÃas da semana, tanto en liña como telefónico. Tamén
habilitará puntos de soporte presencial nos propios centros, para atender
calquera eventualidade que poida suceder cos equipos.
Durante a rolda de prensa posterior ao Consello da Xunta, o
titular da Executivo autonómico subliñou que, dentro da aposta por un ensino
100% dixital, este ano convocarase un novo concurso público para contar con
novos provedores de contidos, ademais dos dous que traballan xa co Ensino
galego.
Paralelamente, poñerase en marcha un espazo de creación de
contidos dixitais para que as empresas TIC e audiovisuais poidan facilitar aos
docentes servizos para crear contidos dixitais. Para reforzar o atractivo
destes servizos para os profesores, deseñarase un plan de formación especÃfico
nos propios centros que estará á disposición dos docentes. Complementarase cun
plan de acompañamento para as familias sobre cultura dixital.
Por último, no referente á conexión a Internet dos centros
de ensino salientouse o obxectivo de que ao rematar 2018 todos os centros teñan
unha velocidade de conexión mÃnima de 100 Mbps, fronte ao 40% dos centros que
dispón neste momento desa velocidade.
Unha vez cumpridas estas metas, o presidente da Xunta
afirmou que se iniciará o camiño para, en 2020, estender este sistema tamén a
terceiro da ESO, facendo fincapé en que «os portátiles para alumnos e
profesores, a creación de novos contidos dixitais, a formación continua para
docentes e familias e a mellora da conectividade dos centros son as catro patas
da futura Estratexia de educación dixital 2020».