A Xunta impulsa un programa de iniciación segura á pegada dixital en 7 centros do Deza

A directora xeral de Ordenación e Innovación Educativa, Judith Fernández, participou hoxe nun dos sete obradoiros do programa Iniciación segura á pegada dixital que se están a desenvolver na comarca do Deza, unha iniciativa coa que a Xunta reforza a formación do alumnado nun uso responsable e seguro das redes sociais. A actividade, celebrada no Instituto Manuel García da Estrada, está destinada a estudantes de 2º, 3º e 4º de ESO e de FP Básica e é impartida por especialistas da AMTEGA, que abordan cuestións como a identidade dixital, a privacidade e a prevención de riscos na Internet.
Esta acción forma parte do Plan integral de benestar dixital da Xunta, que reúne medio cento de medidas en ámbitos como a ciberseguridade, a convivencia e os hábitos saudables. No conxunto de Galicia participan este curso 250 centros, dos que dez pertencen á comarca do Deza: tres na Estrada (Instituto Avelina Valladares, Instituto Manuel García Barros e Instituto Plurilingüe Antón Losada Diéguez), dous en Lalín (Instituto Laxeiro e Instituto Ramón Mª Aller Ulloa), un en Silleda (Centro Privado Plurilingüe María Inmaculada) e un en Vila de Cruces (Instituto Marco de Camballón).