A canle infantil Clan iniciará as súas emisións en HD en outubro
venres, 22 de setembro do 2017
A primeiros de mes Televisión Española deu conta durante a
presentación da nova programación de La 2 que esta canle pasará
a emitir en alta definición o mes que vén, e esta semana, José Antonio
Sánchez, presidente da Corporación da RTVE, anunciou durante a xuntanza mensual
do Consello de Administración do ente que o 1 de outubro La 2 HD non botará a
andar soa, senón que contará
coa compaña de Clan HD, a versión en alta definición da súa canle infantil.
Deste xeito xa estarÃan en alta definición La 1, La 2, Teledeporte e Clan,
quedando só en definición estándar Canal 24h. A estrea das emisións en alta
definición non supón o cesamento das emisións en definición estándar, medida
anti-económica, pero que busca atender ao servizo público, xa que moitos
consumidores ao adaptarse á TDT adquiriron receptores que non son compatibles
coas emisións en HD.
A incorporación á grella da TDT de La 2 HD e Clan HD iniciarase o 1 de outubro,
aÃnda que é posible que nalgúns territorios non cheguen até primeiros de 2018.
No caso galego a meirande parte dos repetidores inclúen estes programas de TDT
no MUX 22 o no 54, de xeito que chegará con explorar manualmente tal frecuencia
para recibir as novas canles unha vez inicien as súas emisións.