A coprodución galega A Crise Carnívora poderase ver en Sitges
venres, 5 de outubro do 2007
A Crise Carnívora é unha película realizada integramente en Flash para a pantalla grande e
producida pola galega Continental, a vasca Abrakam e a catalá Dream, dirixida por
Pedro Rivero (tamén guionista xunto a Egoitz Moreno) e que conta coa dobraxe de
actores coma Quique San Francisco, José Coronado, Pablo Carbonell, Mariano
Pardo, Álex Angulo e Carlos Sobera.
A animación foi obra do estudio Nikodemo (popular polo superheroe Cálico Electrónico) e nestes días chegará
ó Festival de Cine de Sitges na sección ANIMA T (nunha retrospectiva da mellor
animación recente) contando en para a ocasión coa presenza de varios dos seus
actores de dobraxe para apadriñar a súa posta de longo.
A Crise Carnívora é unha corrosiva
comedia coral protagonizada por animais que conviven en paz grazas a un Pacto
Vexetariano que non respecta unha hiena, que decide ir a un camposanto a
devorar os cadáveres pero non atopa ningún, o que desencadea unha divertida
historia na que se mesturan pucheirazos electorais, linchamentos, caimáns gais,
guerra, política...
Trailer da película
