A formación sobre historia social electrónica estenderase a dúas ducias de concellos galegos
mércores, 2 de outubro do 2019
O
persoal da área social de 25 concellos da nosa terra vai fortalecer
en datas vindeiras o seu manexo das ferramentas da Administración
Electrónica. Máis
en detalle, o seu manexo da Historia Social Única Electrónica
(HSUE), a plataforma que xunta nun mesmo sistema toda a
información relacionada coa persoa que é usuaria dos servizos
sociais. A formación, que vén da man da Xunta e os propios
Concellos, porá o foco no persoal técnico da dita área.
A
HSUE, para quen non o saiba, foi desenvolvida pola axencia autonómica
AMTEGA e ten a gran vantaxe de posibilitar a coordinación de todos
os axentes que participan no fornecemento dos servizos sociais,
achegando un extra de eficiencia na xestión e calidade na atención.
A dÃa de hoxe só fican 12 concellos pendentes de formalizar a súa
adhesión á plataforma.
Funcionalidades
e vantaxes
A
plataforma permite aos profesionais da área social das
administracións, previa autorización, consultar os datos relativos
á historia social dunha persoa, incluÃndo a súa situación
familiar, as súas demandas, as prestacións que recibe, asà como as
valoracións e intervencións de seguimento realizadas. Tamén teñen
información referente a profesionais, a institucións e a
organizacións que actúan no ámbito social. O sistema contén máis
de 650.000 historias sociais electrónicas. Amais, a ferramenta
garante a seguridade no acceso á información a través do uso de
certificado electrónico por parte dos profesionais, que acceden
soamente aos datos necesarios para levar a cabo o seu labor.