A plataforma N-Gage xa está dispoñible para o Nokia N81
mércores, 6 de febreiro do 2008
Nokia estreou a súa nova plataforma de xogos coa que recupera a marca N-Gage,
permitindo xa a descarga da aplicación que abre a porta a xogos de EA, Gameloft
e Vivendi para o móbil Nokia N81, dispositivo que resulta máis cómodo para o
uso de videoxogos que outros terminais, pois conta cun deseño orientado a tal
fin.
A descarga
da aplicación N-Gage para o N81 permite o acceso a unha versión de proba
coa que permiten a instalación, compra e xogo a través da nova tenda de xogos
para móbiles, que pretende converterse nunha alternativa ás consolas de
videoxogos portátiles superando a calidade á que están afeitos os usuarios de
xogos para o móbil.
Nokia considera agora que o atractivo da plataforma N-Gage está na
converxencia, de xeito que é un móbil con xogos e non unha consola en si mesmo,
e o N81 só será un dos
terminais que permitirán estas posibilidades ás que a compañÃa finlandesa
dará un importante pulo durante 2008.
A aplicación para o acceso a N-Gage ocupa 58,6 Mbytes e inclúe 3 xogos
en versión de proba limitada: Space
Impact Kappa Base (arcade matamarcianos), System Rush: Evolution (combina matamarcianos cun xogo de carreiras
tridimensional) e Hooked On: Creatures of
the Deep (xogo de pesca).
Dende Xataka publicaron un vÃdeo
no que se ve o funcionamento deste adianto da plataforma N-Gage: