Acer tamén venderá portátiles de baixo custo

O fabricante informático taiwanés Acer anunciou que durante o segundo ou terceiro trimestre de 2008 entrarán no mercado dos portátiles de baixo custo (liderado polo Asus Eee PC) cun novo modelo que tería unha pantalla de entre 7 e 9 polgadas e que se venderá a uns 470 dólares.
Dende Acer agardan que este tipo de equipos non canibalice ós portátiles actuais, pois estarían máis dirixidos a cativos e mercados emerxentes, aínda que tamén hai usuarios que gustan destes dispositivos polo seu reducido tamaño e alta portabilidade a un prezo máis reducido que o dos UMPC actuais.