Adaptan un xogo exclusivo de Windows Vista para que funcione en Windows XP

luns, 25 de xuño do 2007 Marcus Fernández

Un dos xeitos de impulsar o sistema operativo Windows Vista por parte de Microsoft é a aparición de xogos exclusivos que non funcionan nas versións anteriores de Windows por precisar para o seu funcionamento o DirectX 10, coma foi o caso de Shadowrun e de Halo 2. Deste xeito, os usuarios que queiran botar unhas partidas a estes impresionantes xogos deberán actualizarse a Vista, o que non parece gustar a algúns, polo que un grupo coñecido coma Razor1911 modificou o Shadowrun para que funcionase baixo Windows XP.
O sistema empregado sobreescribe algúns ficheiros do xogo para permitir o seu uso sen DirectX 10 de xeito que os xogadores máis impacientes non teñen que agardar a que os estudos Falling Leaf lancen a súa Biblioteca de Compatibilidade Alky que permitiría empregar os 2 xogos exclusivos de Vista en XP.

PUBLICIDADE