Advirten da existencia de spam especial con motivo de San Valentín

A menos de dúas semanas para que os namorados (e os que non o están tanto) teñan que rascar os seus petos e botar man da imaxinación para mercarlle un agasallo íntimo ás súas parellas polo día de San Valentín, os spammers xa están máis que preparados para molestar cos seus correos non indesexados a todo canto se mova un mínimo pola Rede.
Symantec, a compañía encargada de garantir a seguridade e integridade dos equipos informáticos dos seus clientes, vén de dar conta da existencia dunhas 20 mensaxes distintas que nos poden chegar ás nosas contas de correo electrónico a propósito dun produto co que poder facer máis felices aos nosos correspondidos o Día dos Namorados.
Os asuntos que máis se mostrarán por este motivo este ano son, segundo Symantec, os que seguen:
“Increase your length, the best valentine’s gift”
“Get it before Valentine’s day and watch her smile”
“Happy Early Valentine’s Day, You have been selected to go on a $1000 Shopping spree to”
“Your Valentine’s Day is about to get a lot better”
“Enjoy your Valentine’s Day with a Grand Cash from us”
“Great watches for your Valentine”
“Make your Valentine happy with the perfect timepiece”
A compañía advirte a tódalas “persoas románticas” (palabras textuais) que non abran calquera correo electrónico provinte de persoas descoñecidas, ou (aparentemente) empresas particulares, se conteñen un “asunto cariñoso”, pois podería tratarse dunha mensaxe engañosa ou con publicidade non desexada adxunta.
De tódolos xeitos, ben seguro que, en tempos de crise, non fará falla recibir “ideas tan extraordinarias” por parte dos suxeitos que nos envían ese tipo de correos, pois un Rólex o que pode xa o ten e a Viagra… non creo que sexa moi oportuna como agasallo de San Valentín.