Alexa intégrase no xogo Destiny 2

xoves, 30 de novembro do 2017 Marcus Fernández

No xogo Destiny 2 os Gardiáns poden interactuar unhas intelixencias artificiais que levitan no aire chamadas Ghost, e Amazon quere que tal experiencia poida trasladarse dun xeito curioso ao mundo real, de xeito que permite que os usuarios de Alexa poidan integrar o asistente virtual no xogo de Bungie para PS4, Xbox One e PC, podendo así interactuar cos Ghost do xogo mediante a voz, de xeito que poderiamos dar ordes como «Alexa, pídelle ao Ghost que me equipo coa arma máis potente» ou «Alexa, pídelle ao Ghost que pida reforzos».
Pero a integración de Alexa con Destiny 2 non queda a nivel de servizo, senón que tamén será posible facelo máis realista grazas a un novo accesorio: un altofalante sen fíos con forma de Ghost que sairá á venda o 19 de decembro por 89,99 dólares (uns 76 euros).
Este novo produto funciona en combinación cun dispositivo de Alexa (como os altofalantes Amazon Echo) e integra iluminación LED que busca replicar o comportamento do Ghost do xogo, de xeito que ilumínase cando o dispositivo responde ás ordes do xogador.
Estamos ante un produto cunha utilidade moi discutible, pero que de seguro que os seareiros máis fieis da franquía de xogos de Bungie quererán facerse cun destes Ghost como unha peza de colección. Por desgraza en España tería pouca utilidade, xa que Alexa non está dispoñible en español e os dispositivos que integran tal asistente virtual non se venden no noso territorio.

JPEG - 89.4 KB
O Ghost de Alexa venderase nos EE.UU. a un prezo de 89,99 dólares

PUBLICIDADE