Aloy estrea xogo de LEGO

Os amantes do xogos Horizon Zero Dawn e Horizon Forbidden West teñen dende hoxe un novo xeito de gozar das aventuras de Aloy con LEGO Horizon Adventures, título desenvolvido por Guerrilla Games e Studio Gobo para PlayStation 5, PC e Nintendo Switch.
Estamos ante un xogo que adopta a estética e as mecánicas propias dos xogos de LEGO, no que acompañamos a Aloy na súa loita para salvar a Terra dun antigo demo dixital xunto cunha seita de adoradores do sol que desexan vivir nun mundo sen sombras e absorber os raios solares mentres todo arde.
No xogo poderemos cazar ás máquinas en solitario con Aloy, así como desbloquear a heroes como Varl, Teersa e Erend, e usar as habilidades de cada un para derrotar os inimigos e superar desafíos. Pode xogarse de xeito cooperativo con outro xogador en liña ou incluso nun modo cooperativo local que non divide a pantalla, para que ambos xogadores compartan mundo en todo momento.