Altia desenvolverá o sistema de xestión de servizos do Centro de Satélites da UE
mércores, 12 de febreiro do 2020
A
empresa
galega Altia, en alianza con Tracasa, adxudicouse o contrato para o o
desenvolvemento e mantemento da infraestrutura de xestión de
servizos do Centro de Satélites da Unión Europea, o SatCen. Con
previsión de coller corpo en dúas fases, o proxecto foi financiado
polo Programa Copérnico da Unión Europea e conta cun orzamento de
845.000 euros. Ao seu abeiro, a un nivel máis concreto, contémplase
o despregue dos servizos de tecnoloxÃas da información precisos
para o devandito equipamento de xestión de servizos, composto por
cinco subsistemas: xestión do fluxo de traballo, almacenamento de
datos, creación de tarefas, xestión de documentos e intelixencia
empresarial.
Este
sistema, que apoiará a xestión cotiá de Copernicus SEA mediante a
monitoraxe e xestión de tarefas e procesos a nivel operativo
(produción cartográfica) e administrativo, consiste nunha
plataforma con capacidade para automatizar os fluxos de traballo,
conectando a estrutura do Servizo Europeo de Acción Exterior (SEAE),
o coordinador de servizos (SatCen), o contratista de produción
xeoespacial e os usuarios finais do Servizo Copernicus en apoio da
acción da UE (SEAE, Comisión Europea, Estados membros da UE, etc.).
O
proxecto inclúe actividades como especificación, deseño,
desenvolvemento, proba, corrección de erros, posta en marcha e
documentación dunha plataforma SMI; mantemento e soporte da
plataforma entregada (incluÃda a solución de problemas,
actualizacións e cambios e melloras necesarias para que o SMI sexa
funcional e/ou cumpra cos termos do contrato); ou a execución
automática de labores como notificacións, copia de datos ou
procesamento.