Amanda Congdon estréase en ABC News

A videoblogueira Amanda Congdon, que se fixera popular pola súa participación no emblemático vlog Rocketboom e que continuara a súa traxectoria co vlog Amanda Across America, deu ó salto á televisión de xeito que agora traballa para ABC News, pero publicando tamén as súas pezas de vídeo na Rede.
Así, unha persoa anónima que participaba en distintos vlogs independentes se ve agora traballando para unha grande compañía multimedia respectando as súas orixes na Internet, aínda que este salto

Amanda Congdon conserva o seu particular estilo en ABC News

está a ser bastante criticado, con xente que non se explica cómo ABC News apostou por Congdon ata os que non gustan do reprodutor de vídeo das intervencións de Amanda Congdon (pois inclúe un anuncio previo e non permite desprazamentos cara adiante ou atrás durante a reprodución). Está por ver cómo encaixan os contidos pensados para os novos medios nos medios tradicionais, pero o panorama parece interesante, e procurar casar un vlog informal e desenfadado nunha canle de novas posiblemente non sexa o máis atinado, pero pode marcar unha tendencia de futuro.