Anuncian unha película gore ambientada nunha party

As concentracións de afeccionados á informática son cada día máis habituais (incluso en Galicia, onde se celebran varios certames deste tipo) e se ve que poden resultar ideais para que un psicópata faga das súas, pois veñen de anunciar a película LAN Party Massacre, que sairá en 2009 e será unha obra que mesture o terror co humor, parodiando a cultura dos videoxogos á vez que amosa unha boa cantidade de sangue e vísceras.
Polo teaser desta película gore podemos asegurar que se tratará dun produto bastante lamentables, pero contará cunha temática que lle valerá moita publicidade gratuíta, xa que na Internet será doado que blogs e foros comenten o filme, que podería chegar a ser unha obra de culto (dentro do cine de xénero).

Teaser da película