Anxo Lorenzo recibe aos responsables de Perro Verde Films

María Arochena e Manuel Cristobal amosan algúns dos premios recibidos nos últimos meses a Anxo Lorenzo

O secretario xeral de Cultura, Anxo Lorenzo, xuntouse hoxe con Manuel Cristóbal e María Arochena, de Perro Verde Films, nun encontro para coñecer os proxectos actuais da produtora galega que está a acadar numerosos recoñecementos (como 2 Goya e 5 Mestre Mateo) polo seu último filme Engurras, que dende onte está dispoñible en DVD (con dobraxe en español, catalán e galego) e que no seu momento tamén destacou polo súa rápida dispoñibilidade a través da plataforma de streaming Filmin.
Na xuntanza que tivo lugar en Compostela, Anxo Lorenzo quixo pór en valor o audiovisual galego, que conta cunha industria moderna e consolidade, avalada por unha ampla traxectoria de producións cinematográficas e televisivas recoñecidas a nivel nacional e internacional.