As Salas de Messenger poderán retransmitirse por Facebook Live

xoves, 23 de xullo do 2020 Marcus Fernández

Google e Facebook están a promover con moita forza cadansúa plataforma de videoconferencia en grupo, o que no caso das Salas de Messenger tradúcese nunha novidade moi importante: a posibilidade de transmitir as xuntanzas a través de Facebook Live.
Deste xeito será doado xuntar até 50 persoas para realizar directos de vídeo que poidan seguirse masivamente, ou sexa, que a xuntanza en vídeo non estará limitada aos seus participantes, senón que abrirase ao público en xeral, dando lugar a un novo xeito de creación de contido en liña.
A posibilidade de iniciar directos de Facebook Live a través das Salas de Messenger está a espallarse internacionalmente, nun proceso que pode levar meses.

PUBLICIDADE