As alertas de Google xa se poden recibir por RSS

Google leva bastante tempo ofrecendo un servizo de alertas de xeito que os usuarios poden definir palabras chave que, no caso de ter novas incidencias de busca (en novas, webs, blogs ou vídeos publicados na Internet) xerarían un aviso que se podería recibir por correo electrónico e que agora tamén se pode converter nun fluxo RSS.
As alertas configuradas ata o momento poden modificarse para converterse en RSS, de xeito que en vez de seguilas por e-mail se poden controlar a través do noso lector de feeds favorito, o que nos permite estar máis ao tanto dos temas que son do noso interese sen que iso asolague a nosa conta de correo electrónico.