As firmas turísticas e tecnolóxicas da nosa terra xuntan forzas no #Loopcongress, o día 27
venres, 14 de febreiro do 2020
O
Clúster Turismo de Galicia e o Clúster TIC Galicia van organizar a
primeira edición do #Loopcongress (I Xornada Turismo e Tecnoloxía),
prevista para o vindeiro 27 de febreiro. Será un encontro
profesionais dirixido a fomentar a colaboración entre as empresas
representadas polas ditas plataformas co obxectivo de avanzar en
transformación, competitividade e achados conxuntos. A xornada, que
incluirá reunións bilaterais para as empresas dos dous ámbitos de
actividade, celebrarase na Cidade da Cultura. Podemos ver máis
información sobre o encontro empresarial en www.loopcongress.com.
Os
fíos temáticos principais serán as posibilidades da información a
gran escala (Big Data) para mellorar a actividade das empresas
e identificar problemas e resolvelos de xeito eficiente, e as
potencialidades do Social Selling (un novo paradigma na
actividade comercial que nos obriga a actualizar os nosos
coñecementos e adestrarnos para unha orde cousas onde “conectar e
vender” cambia radicalmente). Entre os relatores atópase Álex
Rayón Jerez (vicerreitor de Relacións Institucionais da
Universidade de Deusto), que falará de Big Data e Turismo, e
Álex López, un dos influencers máis sobranceiros do
panorama comunicativo actual das redes, amais de experto en
mercadotecnia dixital e ecommerce.