Avanzan os xogos que chegarán a PS Plus en setembro

Sony anunciou os títulos que se incorporan en setembro ao catálogo de xogos mensuais de PlayStation Plus. Os subscritores poderán descargar a partir do día 2 Psychonauts 2, Stardew Valley e Viewfinder, unha selección que combina aventuras de espionaxe psíquico, simulación agrícola e enxeñosos crebacabezas de realidade alterada.
En Psychonauts 2 (PS4), os xogadores meteranse na pel de Razputin Raz Aquato, un acróbata mozo con poderes psíquicos que cumpre o soño de entrar nos Psiconautas, unha organización internacional de espionaxe mental. Mais nada será doado: o líder da axencia non volveu ser o mesmo desde o seu secuestro e un infiltrado ameaza a seguridade do cuartel xeral. Cun estilo cinematográfico, plataformas cheas de humor e poderes personalizables, a aventura leva a Raz a explorar as mentes de amigos e inimigos para deter un vilán psíquico perigoso.
En Stardew Valley (PS4), a tranquilidade chega da man dun clásico contemporáneo. O xogador herda a vella leira do seu avó e debe transformala nun fogar próspero con apenas unhas ferramentas usadas e unhas poucas moedas. O reto vai máis aló do cultivo: a corporación Joja alterou a vida do pobo, o centro cívico esmorece e só a dedicación poderá devolverlle o esplendor ao val.
Finalmente, Viewfinder (PS4 e PS5) propón unha experiencia de quebracabezas en primeira persoa baseada na percepción e na transformación do mundo. A través dunha cámara instantánea, é posible dar vida a fotos, debuxos ou postais para modificar os escenarios e avanzar en complexos desafíos. Cunha estética chea de cor e creatividade, o xogo ofrece unha aventura sorprendente que invita a mirar a realidade doutro xeito.