Battle Breakers, o novo xogo multiplataforma de Epic Games
xoves, 14 de novembro do 2019
Dende Epic Games non se limitan a Fortnite, e veñen
de lanzar un novo xogo, Battle Breakers,
dispoñible para PC na
tenda de Epic Games, para iOS na
App Store, e para Android
na Galaxy Store ou na
aplicación de Epic Games (ou sexa, que instálase no móbil coa mesma
aplicación que Fortnite) con partidas compartidas entre móbil e PC. O
xogo pode descargarse de balde e como
recompensa de lanzamento ofrece a posibilidade de facerse co poderoso heroe
home besta escuro ao completar o titorial (até o 28 de novembro).
Este xogo de rol de colección de heroes adopta unha estética semellante á dos
debuxos animados dos anos 90, e convida aos usuarios a xuntar a un equipo de
poderosos guerreiros para recuperar o mundo tras a invasión dun grupo de
monstros do espazo que atraparon aos heroes máis valentes dos mundo en cristal
tecnomáxico e que haberá que rescatar rotura a rotura.
O xogo inclúe compras dentro da aplicación (como pases de batalla) para
facilitar a formación dos equipos de heroes perfectos, cos que logo explorar
máis dun milleiro de alxubes repartidos por volcáns, fragas, glaciares... tendo
que enfrontar lexións enteiras de monstros e aos seus xefes mediante ataques destrutivos
e habilidades especiais.
- Epic Games xa daba conta deste xogo na GDC de 2017
Tráiler de lanzamento de Battle Breakers