Bota a andar oficialmente o protocolo IPv6
mércores, 6 de xuño do 2012
Para garantir o crecemento da Internet e posibilitar que
miles de millóns de dispositivos poidan acceder á Rede a nivel mundial, numerosas
empresas e milleiros
de páxinas web (entre as que non faltan Google, Facebook, YouTube e Yahoo!)
celebraron hoxe o lanzamento mundial
do protocolo IPv6, activándoo definitivamente despois de que o ano pasado
fose todo un éxito a proba
desenvolvida durante 24 horas.
O protocolo de Internet actual (IPv4) está limitado a 4.300 millóns de
enderezos IP, de xeito que nalgunhas rexións do mundo xa non quedan bloques de
enderezos para repartir, o que supón un imporante atranco, especialmente agora
que cada cidadán conta con varios dispositivos conectados (ordenador, smartphone, tablet, televisor, consola
de videoxogos...) de aà que sexa preciso dar un paso adiante e adoptar un
protocolo máis ambicioso, que continuará sendo compatible co anterior, pero que
terá o seu teito nos 340 sextillóns de enderezos, cantidade que dificilmente
poderá chegar a ocupar a humanidade de manterse no noso planeta.
Agora o reto é que todas os enderezos dispoñibles mediante IPv4 estean tamén en
IPv6 (sen ter que empregar os mecanismos de retrocompatibilidade) de xeito que
dentro duns anos toda a Rede estea accesible mediante IPv6, o que permitirÃa
desbotar o espazo de enderezos anterior ou , cando menos, garantir que cando un
novo servizo xurda dende un enderezo IPv6, estea dispoñible universalmente (o
que hoxe dista moito de ser posible). Para conseguir tal obxectivo é
prioritario que a partires de agora os provedores de acceso á Rede activen o
protocolo IPv6 de xeito predeterminado, e instalen dispositivos de rede (como
os routers domésticos) que permitan tal posibilidade.
