Bunbury estrea unha curta na súa web

O cantante Enrique Bunbury estreou onte na súa páxina web a curtametraxe El hombre delgado que no flaqueará jamás, que en pouco menos de 7 minutos presenta road movie ambientada no deserto californiano de Salton Lake, e que se pode ver tanto en formato Flash coma en Quicktime. Dende a discográfica EMI Music Spain advirten que a curta inclúe escenas que poden resultar ferintes para certas audiencia.
Esta curta aparece nun momento no que Bunbury está envolto nunha polémica polo suposto plaxio do tema musical que inspira o título desta peza audiovisual. O novo álbum de Bunbury, Hellville de Luxe, sairá o 7 de outubro, e o seu primeiro videoclip, Hay muy poca gente, distribuirase a partir do 20 de setembro.