Cae a venda de videoxogos no Reino Unido

Pese a que moitos analistas consideran que a industria do videoxogo é anti-cíclica, e debería aproveitarse dos momentos de crise económica, o sector do lecer electrónico de maior facturación na actualidade non está nas súas mellores horas, e así a cadea de tendas británica Game anunciou que durante a tempada de Nadal reduciu as súas vendas un 12,1%, aínda que habería que lembrar que este exercicio fiscal sería o segundo máis rendible na historia da compañía.
De xeito xeral, o último informe de Chart-Track indica que as vendas totais de videoxogos caeu un 18% no Reino Unido durante 2009, o que non afectaría a todas as plataformas, posto que a PlayStation 3 e a Xbox 360 continuaron a medrar en vendas (un 14% e un 9% respectivamente). As consolas portátiles serían as máis afectadas pola caída de vendas, baixando a PSP un 32% e a Nintendo DS un 24%.