Call of Duty 4 ten 1,3 millóns de xogadores en liña cada día

Un dos xogos en liña de máis éxito está a ser Call of Dury 4, que non só acadou unhas fortes vendas (uns 7 millóns de copias a nivel mundial) senón que podería ser un dos xogos máis activos en rede, achegándose a títulos coma Gears os War e Halo 3.
Segundo o produtor de Infinity Ward, Mark Rubin, o seu xogo de acción atraería «entre 1,2 e 1,3 millóns de usuarios cada día» dos que a meirande parte se conectan a través da Xbox 360 (aínda que os resultados coa PlayStation 3 tamén impresionan).
A plataforma Xbox Live xa superou os 10 millóns de usuarios en xaneiro, e os datos que se están a publicar nos últimos meses dan a entender que o xogo en liña xa deixa de ser algo anecdótico para converterse na práctica habitual de moitos usuarios.