Capcom recompila os primeiros xogos de Street Fighter para celebrar os 30 anos da saga

Para culminar a celebración do 30º aniversario da franquía de Street Fighter sae hoxe á venda para PS4, Xbox One, PC e Nintendo Switch o recompilatorio Street Fighter 30th Anniversary Collection, que recolle 12 títulos icónicos da saga, que tiveron un grande impacto nos salóns recreativos, nos que convertéronse no principal referente dos xogos de loita de 1 contra 1.
Concretamente os xogos incluídos son Street Fighter, Street Fighter II, Street Fighter II: Champion Edition, Street Fighter II: Hyper Fighting (que inclúe xogo en liña e modo de adestramento), Super Street Fighter II, Super Street Fighter II: Turbo (que inclúe xogo en liña e modo de adestramento), Street Fighter Alpha, Street Fighter Alpha 2, Street Fighter Alpha 3 (que inclúe xogo en liña e modo de adestramento), Street Fighter III, Street Fighter III: 2nd Impact y Street Fighter III: 3rd Strike (que inclúe xogo en liña e modo de adestramento).
Deste xeito temos que podemos gozar de todos os títulos contra a máquina e contra outro usuario en local, mentres que para gozar de xogo en liña limítase a experiencia aos 4 xogos máis completos das principais iteracións da saga. O modo de adestramento é unha novidade que non estaba presente en recreativas, e que supón unha interesante novidade para os que queiran mellorar as súas dotes de xogo antes de baterse contra outros xogadores en liña.
Coa recompilación tamén se inclúen contidos adicionais como bosquexos de deseños do xogo, biografías dos personaxes ou a posibilidade de escoitar as principais pezas da banda sonora da franquía.