Chega a edición completa de Horizon Zero Dawn

martes, 5 de decembro do 2017 Marcus Fernández

Pese a que mañá é día festivo en España é a data elixida para o lanzamento de Horizon Zero Dawn: Complete Edition, a versión do que para moitos é o mellor xogo do presente ano (cando menos para PlayStation 4) que inclúe, aparte do xogo principal, o seu paquete de expansión, The Frozen Wilds. Deste xeito, quen non se fixera con este título con anterioridade poderá mercalo do xeito máis completo posible, facilitando así gozar sen esperas de todas as aventuras de Aloy nun mundo distópico dominado por unha sorte de máquinas.
O prezo oficial desta edición completa é de 49,99 euros, tanto en formato físico como en dixital, o que supón un aforro de 10 euros con respecto á compra do xogo e a expansión de xeito independente.
Para celebrar este lanzamento dende Guerrilla Games prepararon un vídeo promocional no que podemos escoitar á voz da actriz que dobra á protagonista do xogo en español, Michelle Jenner:

PUBLICIDADE