Dan a coñecer os resultados da poxa de dominios de Sedo

Hai uns días celebrouse unha importante poxa de nomes de dominios de Internet en español, o que serviu para tomarlle o pulso a este mercado, que parece que ao non corresponder a nomes xenéricos en inglés non consegue acadar as cifras astronómicas que de cando en vez vemos na prensa, e así o dominio mellor pagado sería ingles.es (vendido por 15.000 euros) seguido por alarmas.es (7.150 €), agua.es (4.550 €), liga.es (2.550 €) , concierto.es (1.700 €) e outros ata chegar aos discretos 130 euros de desplazamientos.com, o que da a entender que é difícil pegar un pelotazo con estas vendas, aínda que cómpre destacar que existiron poxas máis elevadas ás mencionadas, pero non chegaron ao prezo mínimo de reserva do comprador.
Fixéronse 989 poxas de 155 poxadores de 18 países diferentes, e moitos dos dominios que quedaron sen vender están a recibir agora novas ofertas, polo que aínda que o evento non levantase titulares de prensa, parece todo un éxito, que indica que a compra/venda de dominios pode ser unha actividade seria, moi afastada dos cybersquatters, ou secuestradores de dominios.