Destiny 2 será de balde para PC até o 18 de novembro

No mes de setembro incorporouse a PlayStation Plus o xogo Destiny 2, ampliando así enormemente a súa base de usuarios potenciais, e para conservar ese pulo decidiron levar a mesma táctica ao mundo do PC, e aproveitaron a BlizzCon para anunciar que os novos xogadores de Destiny 2 para PC poderán facerse con xogo de balde en Battle.net até o 18 de novembro.

Destiny 2 para PC poderase canxear na páxina de agasallos de Battle.net, e para recompensar aos que xa teñen o xogo, Bungie decidiu que os usuarios que xa mercaran o xogo nesta plataforma reciban como agasallo exclusivo un emblema especial do xogo que conmemora o seu aniversario, que estará dispoñible en decembro.

O modo de xogo incorporado na expansión deste ano de Destiny 2, chamada Gambito, poderase probar de balde entre os días 9 e 11 de novembro, facilitando así que os novos xogadores deste título para PC poidan coñecer mellor a situación actual do xogo por se deciden adquirir algunha das súas últimas expansións.