Dinahosting promove o .gal entre empresas e profesionais
xoves, 20 de febreiro do 2020
Dinahosting
arrancou en febreiro cun máis que interesante desconto para o
rexistro de dominios galegos. Segundo
fai saber a empresa con sede en Santiago, quen queira facerse cun
dominio .gal pode adquirilo por 15 euros máis un ano de alta máis
un ano de renovación. Dinahosting lembra que o dominio de
primeiro nivel da comunidade lingüística e cultural de Galicia
achega importantes posibilidades para as empresas e os profesionais,
non só para as nosas, que contribúen a facer marca e a gañar
prestixio e identidade, senón tamén para as de fóra, que vén como
se facilita o camiño para chegar ao mercado galego e aos seus
clientes.
A
empresa, que é rexistradora acreditada pola Asociación PuntoGal
(encargada de impulsar a presenza do dominio galego) recorda tamén
que de trasladarmos o noso dominio .gal a Dinahosting poderemos levar
tres meses de hospedaxe NVMe de balde, que, entre outras cousas,
brindaranos a vantaxe de contar cun “extra de velocidade”. A isto
cómpre engadir os seguintes servizos: redireccionamento web, correo
web, xestor de DNS completo, servizo de estacionamento, renovacións
automáticas e soporte profesional 24/7.